Get all 10 Glue Crew releases available on Bandcamp and save 35%.
Includes unlimited streaming via the free Bandcamp app, plus high-quality downloads of Kleben und kleben lassen, YN/YNG, Nie wieder jung, Machine Gun Kelly, Nix is ok, La Famiglia, Mundartpunk Forever, Tequila Tampons, and 2 more.
1. |
Kemma, gseng, gschrian
02:32
|
|||
|
Im Herbst 87 homb mi meine Ötan gmocht
Im Summa drauf woa i auf da Wöd
Des woa im Kronkenhaus Schwoazach, i woa kloa und nockat
Hob koane Hoar kob und koa Göd, owa nix hod ma gföd
I hob mei Mum gseng und mein Dad
Und donn hob i gschrian so laut wias geht
Die Wänd homb gwocket und die Erdn hod bebt
Und heit verdien i mitm Schrein mei Göd
Im Winter 09 hod mi die Ködn ångfeid
Oiso hob i mei Bett teilt mit meiner Gitar
Jeden Tog a neis Liad, dass mei Herz nid dafriat
Zum ersten Moi hob i auf Mundart gsunga, weil des is ehrlicha
Im meim tiafsten Pongauer Dialekt
Hob i Liader gschrian so laut wias geht
I hob gwusst mei Stimm is nid perfekt
Owa i woa froh drum, dass so is
Mit meiner ersten Punkband hob i glernt wies Business so rennt
Unser Motto woa „Passion schlogt Talent“
Zum ersten Moi unterwegs in am oiden VW
Koana a Profi an seim Instrument, owa oi hom uns kennt
I hob glernt wos Punk is und wos DIY
Zum ersten Moi im Leben woa i wirklich frei
I hob drei Freind kob, de mit mir schrein
Owa auf oamoi woa des ois vorbei
Heit spü i solo, weil i denk ma yolo
Es Lebn dauert jo nid so long
I bin a Prolo, i lieb eich, PRO homo
Des woit i eich oiwei scho sogn, endlich hob is do
Weil ohne eich wa i nur hoib
So wie a Bam im Woid, der stü umfoid
Singa und zuahean kean zom
Und drum schrei i so laut wie i ko
|
||||
2. |
I brenn
03:31
|
|||
|
I woch auf in da Fruah und egal wos i dua
De Sun, de Hur, de brennt wie nie, durch mei Jalousie und voi auf mi
Auf mein Kopf, in die Augn, aufn Schwonz undn Bauch
Und i brenn, i brenn, i brenn
Es is grod amoi 6i, aussi ausm Bett
I hau mi unter de Dusch, i hoff es hüft wos
I hob koa Lust auf die Leid im Bus, de gonzn schwitzatn Hackler, die Kinder und Grattler
I brenn, i brenn, i brenn
Chorus
Es is so elendig hoaß und des geht ma voi am Oasch
I hoff, dass boid a Weda kimb, dass die Sun hinter de Berg verschwint
Und da Wind endlich an Regen bringt
A hoibe Stund spada huck i im Büro, es is so verdammt hoaß, i glab i krotz o
Die Klima is im Oasch, i plog mi o, i nimm ma hitzefrei und donn hau i o
Weil i brenn, i brenn, i brenn
I geh auf da Stroß und denk ma „Oida Voda“, i bin durchnoss, die Briah rind ma owa
I sieg fost nix, weil i so schwitz, und da gonze Schwitz rinnt ma in die Ritzn
I brenn, i brenn, i brenn
Chorus
Und obwois mit dir no vü heaser wa, wa i jetzt gern bei dir
Weil mei Herz ohne di a bei 30 Grad dafriat
Chorus
Mei Körper brennt, mei Herz dafriat, oh Gott, es is a Graus
Endlich kim i o bei dir und i ziag mi gonz gschwind aus
|
||||
3. |
Bleib nid so wiesd bist
03:27
|
|||
|
Werd Bundeskonzler oder Busfoahrer, werd Schlogersänger oder Fuaßbolla
Werd Totengrober oder Ingenieur, werd Hochzeitslodner oder Deserteur
Werd Gangsterrapper oder Pornostar, werd a Punk oder a Kiwara
Werd Lebenskünstler oder Baupolier, werd Hendlbroter oder Haschkurier
Chorus
Moch olles, wos du wüst, owa bleib nid so wiesd bist
Weil Stüstond nid guad is, na bleib niemois so wiesd bist
Schmeiß dein Job und gründ a Band, ziag a Line, werd abstinent
Lies a Buach und lern wos Gscheids, moch an Fehler und bereis
Nimm an Zug und siag die Wöd, moch a Lehr, verdien a Göd
Lern wen kenna, loss di ei, ziag di zruck und sperr di ei
Bau a Gitar und schreib a Liad über des wos amoi aus dir wird
Rasier dein Kopf, griag a Tattoo vom Bandlogo von da Glue Crew
Ruah di aus oder gib gscheid Gas, hau di zuwa oder hupf in Gatsch
Loss di treibn, du weast scho seng, Veränderung is stets a Segn
Chorus
Und wonn wer sogt „Bleib so wiesd bist“, donn sogt er damit: „Entwickelt di nid“
Wonn ois immer bliebn wa, so wias immer woa, donn gawats koan Fortschritt, des is doch woi kloa
Oiso samma doch froh, dass si die Wöd draht und ma irgendwonn de wean, de ma gern wan
Jo samma doch froh, dass die Wöd nid stüsteht, dass ma Raum hom zum Wochsen unser gonzes Leben
Chorus
|
||||
4. |
Rudolfskai
02:58
|
|||
|
Vorm Festspühaus a muaz Radau, auf jeder Stroß in Soizburg Stau
A Gstopfter steigt aus seim Coupé, des duat ma in de Augn weh
Unterwegs in SBG, wir homb an Durst, wo gemma hi
Da El Fetzn hod a Top-Idee: Treff ma uns am Rudolfskai
Chorus
Trinken und umanondasteh
Endlich a Ruah von da Hautevolee
Wo erfüllt Soizburg koa Klischee?
Am Rudolfskai
Da DJ spüd, des is doch kloa, nur Liader aus de 90er Joar
6 von 10, eh gonz okay, depressiv am Rudolfskai
A Razzia hodn Obend versaut, vor da Sperrstund wean ma außekaud
Aufm Hoamweg gemma sprayen, ACAB am Rudolfskai
Chorus
Blaulicht und Sirene, überfüllt und koa Hygiene
De guade Zeit is längst passé, nieder mitm Rudolfskai
Nieder mitm Kai, obwoi, ondaswo fühl i mi a nid woi
Jetzt kimb ma vor i hob Hoamweh, i sehn mi zruck zum Rudolfskai
Chorus
|
||||
5. |
Glue Crew
02:59
|
|||
|
Chorus
Wir san die Glue Crew, wir san mehr ois two
Wir san olle Compañeros und Compañeras too
Wir san auf Uhu, jo wir hoitn zom
Kalimotxo, Sturm und Klong bis zum Untergong
I bin da El Fetzn ausm Innergebirg
Und i bin vom Battle-Rookie zum Gewinner mutiert
I bin a Gstanzler und a MC und a Bergbauernbua
Und durch meine Adern do fliaßt baskisches Bluat
I bin a Fetzenschädel, und des werd i immer bleibn
Für oi, de in da Schui oiwei an Fetzn schreibn
Für oi, die heit an Fetzn homb und in die Bude einaspeibn
I bin so wie i bin und i bring hiatz die fetten Rhymes
Chorus
I bin da Tom the One, i bin da King vom Pongau Bong
Von Bad Gastein bis Werfenweng kennt ma meine Songs
I bin da Champion mitm Mundart-Jargon
I kenn koa Pardon, Punk hod immer Saison
Heit dua i rappen wie da YSL Know Plug
Nur ohne Gucci, no sluts and no drugs
De Punks woin noch unten, de Rapper noch oben
I wechselt es Genre so wie mei Gardarobn
Chorus
I hob meiner Crew versprochen, dass i heit mit Disziplin rap
I bin da Berni Breidler aka Probably Binreb
I bin nid PC, i bin a woschechter G
Original Gangster von Wogroa bis Wien
I hau in die Kick, i woa oiwei scho zritt
Drum homb mi meine Ötan zum Schlogzeigspün gschickt
He Neider, geht’s weida, wir san leider geiler
I bin‘s, da Breidler, da El Fetzn duat weida
De ondan Rapper de saufen gegen uns o
Se gengan zfuaß, wir foan Oipendorf Bergbohn
Ob Track oder Quetschn, presente El Fetzn
Passts amoi auf auf den billigen Plätzen
Bra, bra, i bin wie da Che Guevara
Fascismo nunca más, viva la quinta brigada
Por eso te vengo diciendo cantando rapeando rimando contando bailando
Por eso te vengo diciendo cantando rapeando rimando contando bailando
Chorus
|
||||
6. |
Rosrennbåhn
03:41
|
|||
|
Ma kennt mi bei da Raika, bin scho long neama liquid
Mit meine roten Zoin do griag i koan Kredit
I woa nie a Gewinner und bin i moi in Not
Donn geh i ins Casino und setz olles auf rot
Und i hoff, dass heit guat rennt und i nid unter da Bruckn penn
Chorus
Es Leben is a Rosrennbåhn mit am Start und mit am Zü
Ma kimb friahra oder spada o, so wias da Zuafoi wü
Es Leben is a Pferdewett, a gschobene Partie
Do hüft nur a guada Whiskey, vü Schmäh und Ironie
I hob no nia a Göd kob, hob a no nia wos gspoad
Und wenn i moi zvü ausgib, duad mia des niemois load
Da Zuafoi is mei Spezl, es Glück is, wos mi fickt
I knia mi voan Bukowski und rach auf eam a Tschick
Und i hoff, dass heit guat rennt und i mit am Supermodel penn
Chorus
Loss di treibn und geh dein Weg und oans, des sei da gwiss
Dass durch de bloße Oaweit no koa Mensch reich woan is
Chorus
|
||||
7. |
Annamirl
04:29
|
|||
|
I woa in jedm Kaffeehaus, i hob in tausend Beisln gsuacht
I hob de kleansten Stoa umdraht und de Schantinger vafluacht
I woa kurz vor am Schlagei, i hob a Meer von Tränen gread
I hob so laut gschrian wie i schrein ko, owa koana hod wos kead
Chorus
Dei Körper is a Denkmoi und dei Gsicht is hiatz a Liadl
I werd di niemois vagessn, i denk an di, mei Annamirl
Du woast doch oiwei mei liabstes Dirndl
Wo bist du hiatz, mei Annamirl
I hob olle deine Freind gfrog, owa koana hod wos gwusst
Se hom en Schwoazen Peda oafoach weidagebn und si gegenseitig einighusst
Und donn hob i en Schurli am Krogn pockt und hob eam gsogt „Du Hund, pock aus!“
Owa er hod nur grinst und gsogt „Gib auf, dei Oide taucht nie wieder auf!“
Chorus
Dei Lebn is a Mythos und dei Oat is legendär
Deine Bussal woan da Wahnsinn und deine Augn spektakulär
Solong dass i no sing, solong, dass meine Augn no seng
Solong wirst du, mei Annamirl, nid untergeh
Chorus
|
||||
8. |
||||
|
Auf meiner Wiesn foad koa Roboter, i mah es Gros no mit da Sans
Weil wos wan denn des für Tanz, wenn i meine Händ nid namm
Und wenn i amoi gschwind in de Stodt nei muas, donn loss i es Auto steh
Bevor i ewig im Stau steh, bin i schnöa, wenn i geh
Chorus
Wir möchn de Kiah no mit de Händ
Und wir köpfen es Bier no mit de Zänd
Wir homb mehr Leidenschaft ois Talent
Wir san a woschechte Mundartband
De Gscheidling und de Schatzer woitn uns vabiagn, owa wir hom uns widersetzt
Wir singan oiwei no im Dialekt, dass de Preißn nur so schreckt
Se hom gsogt, wir soitns doch amoi mit Pop probieren und wir brauchen an Businessplan
Wir hom gsog wir brauchen kan, weil wir san so wie ma san
Chorus
Jeder DJ mit seim Laptop verdient si dumm und deppat
Und jeder Dealer und Kidnapper reüssiert ois Gangsterrapper
Mit Mundartpunk wird ma nid reich, i glab do laft wos verkehrt
Wir gebn eich unsa Bluat und unsan Schweiß, weil ois ondre wa nix wert
Chorus
|
||||
9. |
Auf da Roas
03:46
|
|||
|
Scho es Aufsteh in da Friah is voi da Tschoch gwesn
Aussi bei da Tia und eini in mei Tschesn
Wir hom ins sakrisch gschleint, damit ma Meter mochn
Wir woan no nia nix z‘neidn, heit kemman Obsprung schoffen
Heit gemma nid ind Hockn, wir hom gnuag von de Honochsn
Wir dan liawa roin und rocken, die Ramones krochen aus de Boxen
Vom Feldweg übern Bichi, hinterrucks aufd Bundesstroßn
Und donn weida, immer weida, noch Nordwesten und Südosten
Noch Südwesten und Nordosten, liaber herumfetzen ois verrosten
Chorus
Wir san auf da Roas, wir san auf da Roas
Egal obs saukoid is oder brennhoaß, wir san auf da Roas
I tretn Gråttn her, da Foatwind foad ma in de Zodn
Mit unsam Drummer is a Gscher, weil er is so a Schatzgodn
Er mocht an muaz Bahö bei jeda Möz, de er siegt
Zum Glück san unsre Nerven dick as wia a Kaiwistrick
Da Kofferraum is voi mit Trommin und Gitan
Wir mochn wos ma woin, seitdem ma okaud san
Wir blosn eich koa Weis, na bei uns gibt’s Gschroa und Gspeiwat
Wenn mir a Soatn reißt, donn spü i mit Fünfe weida
Bis zum nächsten Obenteier, Hauptsoch es brennt no wo a Feier
Chorus
Wir hom an Feinz und da Tank is laa
Uns geht’s letz und blank samma a
Hiatz kemman a no de Schantinger
Und wir wern immer grantiger
Scheißegal, wos am Tog passiert
Am Obend samma wieder motiviert
Wir vergessn die Feiglerei, wenn ma endlich spün
Am Dorffest oder in da Diskothek
Wir schrein so laut wias geht
Wir mechtn nirgends ondas hi, da Weg is es Zü
Chorus
|
||||
10. |
||||
|
Grea san de Hollastauan und weiß is de Bliah
Schee san ihre schwoazen Augn, owa treu bleim dans nia
Steil is da Hoiweg und schwa san de Schua
I muas mi schleina, hob koa Råst und koa Ruah
I hob mi valafn, i find neama hoam
Do sieg i de Hittn, drin is sicher woam
Sie liegt versteckt, tiaf in de Berg drin
I gfrei mi scho sakrisch auf mei Sennerin
Chorus
Je hecha de Oim, desto strenger da Wind
Je scheena es Dirndl, desto kleaner de Sünd
De Sun geht scho unta, da Mondschein geht auf
Geh, Dianei, bist munter? So moch ma gschwind auf
I grei eine bam Fenster, do raungatzt da Bodn
I Trottl hob ma de Schuach nid auszogn
Es Dirndl hods gschreckt, owa es hod uns neamb kead
I wünsch, dass meine Kinder moi schwoazaugat wern
Drum bleib ma beinonder, so long wies uns gfreit
Bis in da Fruah es Rotkröpferl schreit
Chorus
I find koa Ruah nid, weil i her i wen pfeifen
I siag an Schottn um de Oimhittn schleichen
A Jaga, a Wüdschütz, da Mond und da Wind
I bin nid da oanzig, der heit nid hoamfint
Da Summa is uma, i muas owi ins Toi
Pfiat di God, mei liabs Dirndl, pfiat di God tausendmoi
Es is ma load um dei Lochn, is ma load um dei Liab
I steig wieder aufa, wonn de Hollastauan bliahn
Chorus
|
||||
Glue Crew Salzburg, Austria
Punk, Ska & Austropop. Boyband from Salzburg, Austria.
If you like Glue Crew, you may also like:
The new album from Italian psych-rock outfit Bee Bee Sea has heavy punk and power pop notes.
go to album
The punk legends return with their first studio album in 35 years, featuring reworked fan favorites as well as all-new material.
go to album
Another perfect release from contemporary emo powerhouse Run for Cover records.
go to album
Rays’ post-punk explorations of existential dread hang together effortlessly.
go to album
THE UNRAVELING OF PUPTHEBAND
by PUP
The Canadian pop-punk band deliver their biggest-sounding album to date, rooted in full-bodied production and cheery nihilism.
go to album
With guitar work that recalls the highest heights of Polvo, New Lands brings an emo approach to post-punk fretwork.
go to album
Matt Surfin' and Friends
by Matt Surfin' and Friends
Spritely guitar-centric indie pop from this New Orleans musician recalls the glory days of Darla and Kindercore Records.
go to album
